ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ფოლკლორული ჯგუფის „სამი და“ წევრებს უმასპინძლა.შეხვედრაზე თსუ რექტორმა სტუმრებს უნივერსიტეტის ისტორია, საგანმანათლებლო და კულტურული პროგრამები გააცნო.
ჯგუფი „სამი დის“ წევრებმა ისაუბრეს საკუთარ შემოქმედებაზე, საქართველოსადმი განსაკუთრებულ სიყვარულსა და კავშირზე. ასევ, დაიგეგმა ერთობლივი კულტურული და საგანმანათლებლო ღონისძიებები. შეხვედრის ფარგლებში თბილისის სახელმწიფო უნივერსიტეტში ფოლკლორული ჯგუფის წევრებმა, მათი მუსიკით დაინტერესებული საზოგადოებისთვის, კონცერტი გამართეს.
ფოლკლორული ჯგუფის წევრები თურქეთში მცხოვრები სამი ქართველი და არის, რომელთა რეპერტუარის ძირითად ნაწილს ქართული ფოლკლორული სიმღერა წარმოადგენს. მიუხედავად იმისა, რომ ისინი დაიბადნენ სტამბოლში, იზრდებოდნენ ქართული ენის, ქართული მუსიკისა და ქართული ცეკვის სიყვარულით. „სამი და“ თურქეთში მოღვაწე ქართველი მომღერლის ბაიარ შაჰინის (გუნდარიძე) ქალიშვილები არიან, რომელმაც გოგონებს შეაყვარა და შეასწავლა ქართული სიმღერები.
ღონისძიება თბილისის სახელმწიფო უნივერსიტეტისა და იუნუს ემრეს სახელობის ინსტიტუტის ორგანიზებით გაიმართა.